ბრაზილიაში ხელისუფლებამ ბავშვებისა და მოზარდებისათვის სახიფათოდ მიიჩნია იმ ნაყინის რეკლამა, რომელსაც ლუდ Skol-ის გემო აქვს. კომპანიის მფლობელს ამის თაობაზე გაფრთხილებაც გაეგზავნა. ნაყინი Skolგასულ წელს ლათინურ ამერიკაში ლუდის უმსხვილესმა მწარმოებელმა კომპანიაAmbev-მა გამოუშვა. ნაყინს ლუდის გემო კი დაჰკრავს, თუმცა ალკოჰოლს არ შეიცავს. მაკონტროლებელ ორგანოთა ყურადღება Skol-ის რეკლამამ მიიქცია, რომელზეც ლუდის ქილის მსგავს ჭურჭელში მოთავსებული ნაყინია გამოსახული და ასეთი სლოგანი ამშვენებს: “წავიდეთ ბარში ნაყინზე?” რეკლამითა და სლოგანით თავდაპირველად ის არასამთავრობო ორგანიზაცია აღშფოთდა, რომელიც სარეკლამო ინდუსტრიაში ეთიკის ნორმებს აკონტროლებს. მათ მიაჩნიათ, რომ ასეთი რეკლამა მოზარდს ლუდის გასინჯვისაკენ უბიძგებს. თვითრეგულირების ეროვნულმა საბჭომ კომპანია Ambev-ს გაფრთხილება გაუგზავნა, თუმცა ჯერჯერობით არანაირი სანქცია არ მიუღია. კომპანიის წარმომადგენლები ამ ეტაპტზე კომენტარის გაკეთებისაგან თავს იკავებენ.
© ღვინის კლუბი/Weekend
ბეჭდვა
თქვენი კომენტარი