ავსტრალიელთა ახალი რეკორდები

ავსტრალიელმა მეღვინეებმა მორიგ სარეკორდო მაჩვენებლებს მიაღწიეს როგორც ექსპორტის მოცულობით, ისე ღირებულების მიხედვით.

ავსტრალიის ღვინისა და ბრენდის კორპორაციის მიერ აპრილის ბოლოს წარმოდგენილი მონაცემებით ექსპორტის მოცულობა 12%-ით გაიზარდა და 797 მილიონი ლიტრი შეადგინა, ხოლო ღირებულება - 6%-ით (2.94 მილიარდი დოლარი).

მთავარ ბაზრად კვლავ ამერიკა რჩება. ბოლო 1 წლის განმავლობაში ამერიკაში ექსპორტირებული ღვინის ღირებულებამ 960 მილიონ დოლარს გადააჭარბა.

ავსტრალიური ღვინის ერთ-ერთი აქტიური მომხმარებელია ბრიტანეთი. ღვინის 35% ავსტრალია სწორედ იქ აგზავნის. მნიშვნელოვან ბაზარს წარმოადგენს ჩინეთიც. ამ წელს იქ 25 მილიონი ლიტრი ღვინო გაგზავნეს.

© „მარანი“