ქოქოსოს დესერტი მარწყვის სალათით

საჭირო მასალა: დესერტისთვის – 1 1/3 ქოქოსის ფანტელი, 1/3 ჭიქა შაქარი 2 ს.კ. ფქვილი, 1 მწიკვი მარილი, 2 კვერცხის ცილა, 10 გ. ვანილის შაქარი.

სალათისთვის – 500 გ. მარწყვი, 2-3 ს.კ. შაქრის პუდრა, 1 ს.კ. ლიმონის წვენი, 1 ჩ.კ. ლიმონის ცედრა, 2 ს.კ. ფორთოხლის ლიქიორი.

მომზადება: ღუმელი გავახუროთ 175 გრადუს ტემპერატურაზე. ქოქოსის ფანტელები, შაქარი, ფქვილი და მარილი ავურიოთ ერთმანეთში. ცილა კარგად გავთქვიფოთ, დავუმატოთ არეული მშრალი ინგრედიენტები, ვანილის შაქარი და ფრთხილად ავურიოთ ხის კოვზით. ცხიმწასმულ თუნუქის ფურცელზე ცომი ჩაის კოვზით მოვათავსოთ და ვაცხოთ დაახლოებით 20 წუთი. სანამ ნამცხვარი შეგრილდება, მოვამზადოთ მარწყვის სალათა – მარწყვი გავრეცხოთ, შევამშრალოთ, მოვაცალოთ ყუნწები და ოთხად გავჭრათ. სასალათეში ჩავყაროთ დაჭრილი მარწყვი, მოვაყაროღ შაქრის პუდრა, ლიმონის ცედრა, მოვასხათ ფორთოხლის ლიქიორი და ლიმონის წვენი. სალათა კარგად ავურიოთ და ცოტა ხნით შევდგათ მაცივარში.

© ღვინის კლუბი/Weekend