საფრანგეთში რობოტი-მევენახე შექმნეს

ფრანგმა გამომგონებელმა კრისტოფ მილომ შექმნა რობოტი-მევენახე, რომელსაც სახელად Wall-Ye V.I.N  უწოდა. მექანიკურ მევენახეს ოთხი ბორბალი და 2 ხელი აქვს, თვალების მაგივრობას კი 6 ვიდეოკამერა ასრულებს. რობოტის შემქმნელის თქმით, მას შეუძლია ვაზი გასხლას, გაფურჩნოს,  აგრეთვე მოიპოვოს და შეინახოს ინფორმაცია ნიადაგის ნაყოფიერების დონის შესახებ. ის კარგად ორიენტირდება გარემოში, შეუძლია დანახული ობიექტის ამოცნობა და ვენახის დეტალური რუკის შედგენა. ბორდოელი  მევენახეები მზად არიან, საკუთარი ვენახები ამ ახალი მოწყობილობის  გამოსაცდელ პოლიგონად გამოიყენონ. რობოტ Wall-Ye V.I.N-ის ფასი 25 ათასი ევროა.

© ღვინის კლუბი/Weekend