გამოქვეყნებულია: 13 დეკემბერი, 2012 - 11:52
სოციოლოგებმა დაადგინეს, რომ შემწვარი ინდაური ბევრად უფრო გემრიელი გამოსდით მათ, ვინც ამ კერძს 12 წლის განმავლობაში ყოველ ახალ წელს ამზადებს. ასეთი დასკვნის საფუძველი რამდენიმე ათასი ბრიტანელის გამოკითხვის შედეგები გახდა. მეცნიერებმა დაადგინეს, რომ გამოკითხულთა ნახევარმა ინდაური პირველად 24-25 წლის ასაკში მოამზადა, ყველაზე გემრიელი ინდაური კი მზარეულებს 36-40 ასაკში გამოსდით. გადაცემებიდან და წიგნებიდან მიღებული გამოცდილება მხოლოდ გამოკითხულთა 4%-ს გამოადგა, დანარჩენები კი საკუთარ შეცდომებზე სწავლობდნენ. კულინართა ნახევარმა მთავარ სირთულედ მომზადების დროის გამოთვლა დაასახელა, მათი მესამედისთვის სირთულეს წარმოადგენს კერძის მზაობის დადგენა, ხოლო გამოკითხულთა 18%-მა კი აღიარა, რომ მინიმუმ ერთხელ მაინც იყიდეს იმხელა ინდაური, რომელიც მათ ღუმელში ვერაფრით შეეტია.
© ღვინის კლუბი/Weekend
ბეჭდვა
თქვენი კომენტარი