გამოქვეყნებულია: 19 ნოემბერი, 2008 - 00:47
კომპანია “თბილღვინომ“ გერმანიის ბაზარზე 2000 ბოთლი “ნაფარეული“ და საფერავი გაიტანა. მენეჯმენტის განყოფილების ინფორმაციით, გერმანიის ბაზარზე ქართულ ღვინოზე მოთხოვნა იზრდება, “თბილღვინოს“ ღვინოების 80% გერმანიის გარდა ექსპორტზე 20-მდე ქვეყანაში გადის.
ღვინის კომპანია “თელიანი ველმა“ რესტორნების ქსელ “კოლხეთისთვის“ სპეციალურად ახალი ღვინო “საქეიფო“ ჩამოასხა. “თელიანი ველის“ საზოგადოებასთან ურთიერთობის სამსახურის ინფორმაციით, ახალი ბრენდი 2 სახეობისაა – კახური და ევროპული. ღვინო “საქეიფო“ დამზადებულია თელავის რაიონში მოყვანილი მწვანესა და რქაწითლის ჯიშის ყურძნისაგან. “თელიანი ველის“ გათვლებით, წელიწადში 10 ათასი ბოთლი “საქეიფო“ ჩამოისხმება.
ბეჭდვა
