საგამოფენო ცენტრ ექსპო ჯორჯიას IV, V და VI პავილიონში 17-18 მაისს თბილისის ვისკის ფესტივალი 2025 გაიმართება.
თბილისის ვისკის ფესტივალი 2025 გამორჩეული ღონისძიებაა, რომელიც ვისკის კულტურას, ქართულ გემოსა და ინოვაციას აერთიანებს. ფესტივალის სტუმრებს ექსპო ჯორჯიაში დახვდებათ 1000+ სახეობის სხვადასხვა ალკოჰოლური სასმელები, როგორიცაა ვისკი, ჯინი, ბრენდი და სხვა.
ფესტივალის ფარგლებში გაიმართება მასტერკლასები — შეხვედრები დისტილერების წარმომადგენლებთან და წამყვან ექსპერტებთან; დეგუსტაციები – კლასიკური, იშვიათი და კოლექციური ბოთლები. უგემრიელესი ადგილობრივი პროდუქტების დეგუსტაცია: ქართული წარმოების შოკოლადი, ჩირი და ნაყინი; ელექტრო ავტომობილის პრეზენტაცია და მოტოს ჩვენება.
საფესტივალო სივრცეში დაგხვდებათ ზვიად ციკოლიას მიერ შექმნილი დიზაინერული აქსესუარების კუთხე, ფოტოსტუდია - პროფესიონალური ფოტოები სტუმრებისთვის, ტურისტული კომპანიებისა და სასტუმროების წარმომადგენლები - დასვენებისა და მოგზაურობის იდეებისთვის და ქალაქური ბარების ზონა - კოქტეილები.
თბილისის ვისკის ფესტივალი ყველასთვისაა განკუთვნილი, მათ შორის ვისკის მოყვარულებისთვის, კოლექციონერებისთვის, ჰორეკა სექტორის წარმომადგენლებისთვის და ყველასთვის, ვისაც სურს სიახლეების აღმოჩენა გემოს, დიზაინისა და ტექნოლოგიის სფეროში.
აღსანიშნავია, რომ თბილისის ვისკის ფესტივალის წარმომადგენლები მონაწილეობდნენ ახალი ღვინის ფესტივალი 2025-ში, სადაც შესაძლებლობა ჰქონდათ შეხვედროდნენ ახალი ღვინის ფესტივალის სტუმრებს და საკუთარი თავი გაეცნოთ მათთვის.
© ღვინის კლუბი/vinoge.com
ბეჭდვა
თქვენი კომენტარი