გამოქვეყნებულია: 7 ივნისი, 2009 - 08:00
ღვინო დაწურულია რქაწითლისა და მწვანეს ჯიშის ყურძნიდან, რომელიც ნაფარეულის მიკროზონაშია მოყვანილი. დადუღებული და დავარგებულია ქვევრში, კახური ღვინისთვის საკმაოდ ღია ფერისაა, უფრო ჩალისფერი ეთქმის, ვიდრე ქარვისფერი. ახასიათებს ძალზე ეფექტური და სასიამოვნო სურნელი, სადაც წინა პლანზე გამოდის გრეიპფრუტის არომატი, რომელიც მალე ალაოს სურნელში გადაიზრდება. ნაკლებ სხეულიანია, კახური ტიპის ღვინისთვის შეუფერებელი მჟავიანობით და მოკლე დაბოლოებით. სუსტად იგრძნობა ტანინები (განსხვავდება როგორც კლასიკური ევროპული, ისე ტრადიციული კახური ღვინოებისგან, თუმცა უფრო შუალედური ადგილი უკავია ამ ორი ტიპის ღვინოებს შორის).
"კახური ტევანი" კარგი მისაყოლებელი იქნება შემწვარ თევზთან, მოხარშულ ხბოს ხორცთან, ყველთან, ხორციან და თევზიან (მათ შორის გამოყვანილი თევზით) სალათებთან.
მ.ხ.
© vinoge.com
თემა:
ბეჭდვა
თქვენი კომენტარი