გალეტები ჩორიზოთი

საჭირო მასალა: 1 ცალი კვერცხი, 120-150 გ ფქვილი, 1 ს.კ. ტომატპასტა, 150 გ ძეხვი ჩორიზო, 100 გ გახეხილი ჰოლანდიური ყველი, თავშავა – გემოვნებით.

მომზადება: წყლით, კვერცხით, მარილითა და ფქვილით მოვზილოთ ელასტიკური ცომი, გავყოთ სამ გუნდად, გავახვიოთ ცელოფნის პარკში და მთელი ღამით შევდოთ მაცივარში. დილით გამოვიღოთ, თითოეული ძალიან თხლად გავაბრტყელოთ, წავუსვათ ტომატპასტა, მოვაყაროთ თავშავა,  გახეხილი ყველი, დაჭრილი ძეხვი და კვლავ ცოტა ყველი.  თითოეული მათგანი 7-8 წუთის განმავლობაში ვაცხოთ წინასწარ 250 გრადუსზე გახურებულ ღუმელში.

© ღვინის კლუბი/Weekend