მწნილი კიტრის საახლოდ

ახალი დაკრეფილი კიტრი ჩააწყეთ ქილაში, თან ჩაატანეთ კამა, ტყემლის ფოთოლი, ანუ ალუბლისა, მწვანილი რაც შეგხვდეთ; შემდეგ ერთი მუშტის ტოლი ხაში (საფუვრად შენახული დამჟავებული პურის ცომი მ.ხ.) ამოჭყლიტეთ ცივს წყალში და ზედ დაასხით, მერმე დააწყეთ ზემოდან სამტვრევი მარილი; თუ გენებებათ შიგ ჩაატანეთ ნიორი და წიწაკა; ქილა ცივის წყლით აამსეთ და პირს მოაკარით, მეოთხე დღეს კიტრი მჟავე იქნება.

ბარბარე ჯორჯაძე