ორაგული კომშით

საჭირო მასალა: 750 გ ორაგულის ფილე კანის გარეშე, 2 ცალი მწიფე კომში, 250 გ წვრილი ხახვი, 1 ს.კ. კარაქი, 100 მლ თეთრი მშრალი ღვინო, 2 ს.კ. ნეკერჩხლის ვაჟინი ან ბროწეულის სქელი ნარშარაბი, 2 ს.კ. ზეითუნის ზეთი, მარილი, პილპილი – გემოვნებით.

მომზადება: თევზის ფილე ოთხად გავჭრათ. კომში გავრეცხოთ, ოთხად გავჭრათ, თესლი ამოვაცალოთ და თხელ ფირფიტებად დავჭრათ. ხახვი დავჭრათ და კომშთან ერთად კარაქში მოვშუშოთ 2-3 წუთის განმავლობაში. დავასხათ ღვინო და თავდახურული 15 წუთი ვშუშოთ. შევაზავოთ მარილითა და პილპილით. თევზი ცხელ ზეთში ორივე მხრიდან შევბრაწოთ, დავასხათ ნეკერჩხლის ვაჟინი, ცეცხლიდან გადმოვდგათ და დავაყოვნოთ რამდენიმე წუთით. შემდეგ დავუმატოთ კომშისა და ხახვის სოუსი და მივიტანოთ სუფრასთან.

© ღვინის კლუბი/Weekend