ქვის ხანის "დიეტა"

კემბრიჯის უნივერსიტეტისა და უმეოს უნივერსიტეტის (შვედეთი) მეცნიერებმა დაადგინეს, რომ ქვის ხანის ადამიანთა კვების რაციონი ერთ-ერთი ყველაზე ეფექტური გასახდომი დიეტაა. კემბრიჯელმა მეცნიერებმა 2-წლიანი კვლევა ჩაატარეს: ცდაში მონაწილეობას 70 ქალბატონი იღებდა. ისინი ორ ჯგუფად დაყვეს. პირველი ჯგუფი მხოლოდ იმ პროდუქტებით იკვებებოდა, რაც პალეოლითის პერიოდში არსებობდა, მეორე ჯგუფის წევრები კი თანამედროვე პროდუქტით იკვებებოდნენ. “პალეოლითის ხანის ქალბატონები” მიირთმევდნენ კენკროვნებს, ბოსტნეულსა და ნაკლებცხიმიან ხორცს. “თანამედროვე ქალბატონები” კი – მარცვლეულს, რძეს, ხილს, პარკოსნებს და მცენარეულ ზეთს. მეცნიერებმა მონაცემები შეაჯამეს და გაირკვა, რომ პირველი ჯგუფის ქალბატონებმა 6 თვეში 6 კგ დაიკლეს, მეორე ჯგუფის წევრებმა კი – მხოლოდ 2,5 კგ.

© ღვინის კლუბი /Weekend