ბრიტანელები ყველაზე მეტს სვამენ ევროპაში

ევროპული სოციოლოგიური ბიუროს ,,ევრობარომეტრის” მონაცემებით, ევროპელთა შორის ყველაზე მეტს ბრიტანელები სვამენ. კვლევებმა აჩვენა, რომ ყოველი მეოთხე ბრიტანელი გალოთების პირასაა - ისინი ზომაზე მეტ ალკოჰოლს ღებულობენ. გამოკითხულ ბრიტანელთა 43% დღის განმავლობაში ერთი ან ორი სახეობის, 24% კი სამი-ოთხი სახეობის ალკოჰოლურ სასმელს სვამს. ევროპის მსმელ ხალხთა შორის დასახელდნენ აგრეთვე: ირლანდიელები, რუმინელები, გერმანელები და ავსტრიელები. ამ გამოკითხვით გამოვლინდენ აგრეთვე ყველაზე ფხიზელი ხალხები: პორტუგალიელთა 42% ამტკიცებს, რომ ბოლო 12 თვის განმავლობაში ერთი ფუჟერი სპირტიანი სასმელიც კი არ დაულევია. იტალიელებში ეს მაჩვენებელი 39%-ს შეადგენს, უნგრელებში 35%-ს, მათ მხოლოდ სამი ერთეულით ჩამორჩებიან ესპანელები. ფრანგებს, შვედებსა და დანიელებს შესაბამისად 17%, 10% და 7% ერგოთ.

© ღვინის კლუბი/“Weekend“