ღვინის დღე მოლდოვაში

მოლდოვას დედაქალაქ კიშინიოვში წელს უკვე მეცხრედ აღინიშნა ,,ღვინის ეროვნული დღე“. მიუხედავად წვიმიანი ამონდისა, ამ დღის აღსანიშნავ ზეიმზე ადგილობრივ მევენახეებთან და მეღვინეებთან ერთად მოწვეული სტუმრები და პარტნიორებიც გამოცხადდნენ. პარლამენტის თავმჯდომარემ, მიხაი გიმპუმ, რომელიც ამჟამად რესპუბლიკის პრეზიდენტის მოვალეობის შემსრულებელია, თავის გამოსვლაში კიდევ ერთხელ გაუსვა ხაზი მოლდოვური ღვინის ღირსებებს. მისმა მოადგილემ კი აღნიშნა, რომ მართალია, მოლდოვის ღვინოებისთვის აზიური ბაზარი ნაწილობრივ მიუწვდომელია, დასავლეთის ბაზარზე გასვლაც ჯერჯერობით ვერ ხერხდება, მაგრამ მაინც იმედი გამოთქვა, რომ ყველა პრობლემას გაუმკლავდებიან.