– როდის გადაწყვიტეთ მარნის დაარსება და რა იყო ამის მიზეზი?
– გქვონდა შედარებით მცირე მარანი, რომელიც არ იყო კეთილმოწყობილი და სწორედ ამიტომ გადავწყვიტეთ აგვეშენებინა უფრო კომფორტული მარანი, სადაც ასევე მოვახერხებდით ქვევრების ჩაყრასაც. ეს პროცესი კი დაახლოებით 2 წლის წინ დაიწყო.
– ვაზის რომელი ჯიშები გაქვთ გაშენებული და კიდევ რომელ ჯიშებზე აპირებთ ყურადღების გამახვილებას?
– გაშენებული გვაქვს საფერავი, რქაწითელი, მწვანე, ხოლო ქისის, რქაწითელის და კახური მწვანის ვენახები იჯარით გვაქვს. ასევე საფერავის, რქაწითელის, მწვანეს, ხიხვის, ქისის საჩვენებელი ვენახის გაშენებას ვაპირებთ მარნის მიმდებარე ტერიტორიაზე.
– რა ღვინოებს აწარმოებთ და რითაა გამორჩეული თქვენი ღვინო?
– ვაწარმოებდით საფერავს, რქაწითელი-ქისი, რქაწითელი-მწვანე, ქისი რასაც დაემატა ქვევრის, კახური მწვანე, რქაწითელი, რქაწითელი-მწვანე, ქისი.
– გაიხსენეთ საქართველოში ღვინის გაყიდვის თქვენი პირველი გამოცდილება, რომელ მაღაზიებთან გქონდათ ურთიერთობა?
– ჩვენი ღვინოები ძირითადად იყიდებოდა ღვინის სპეციალიზირებულ მაღაზიებში, ასეთი იყო მაგალითად ვინოთეკა, ვინომანია, ღვინო ანდერგრაუნდში.
– გადის თუ არა თქვენი ღვინო უცხოეთის ბაზარზე?
– ამ ეტაპზე ჩვენი პრიორიტეტია ქართული ბაზარი, სადაც ძალიან დიდი მოთხოვნაა ჩვენს ღვინოებზე და სწორედ ამიტომ 2 წელია ექსპორტი არ შეგვისრულებია.
– რა სახის სირთულეები შეგხვედრიათ თქვენს საქმიანობაში? რა უნდა დაიხვეწოს ყველაზე მეტად ღვინის სფეროში?
– ჩემი აზრით, ქართულ ღვინის ბაზარს აკლია ღვინის სპეციალისტები, რომლებიც აუხსნიან მომხმარებელს ამათუიმ პროდუქციის შესახებ.
– თქვენი აზრით, რა არის ყველაზე მნიშვნელოვანი ფაქტორები თანამედროვე ქართული ღვინის კულტურის განვითარებისთვის?
– ღვინის ბაზარის განვითარებას ხელს შეუწყობს ღვინის სასწვალებლების გახსნა, რა თქმა უნდა, ხელმისაწვდომ ფასებში.
– რას ურჩევდით დამწყებ მევენახე–მეღვინეებს?
– ვურჩვედი, რომ თავიდანვე მიაქციონ ყურადღება, რომ ვენახი აუცილებლად იყოს შეწამლული ბიო პრეპარატებით.
მარნის დასახელება: ჯაყელების მარანი
მარნის მისამართი: თელავის რაიონი სოფელი ვარდისუბანი
ტელეფონი: +995 599 55 41 33, +995 599 77 70 79
ელფოსტა: zaza.jakeli59@gmail.com
ვებ/ფეისბუკ გვერდი: jakeli wines.
© საქართველოს ღვინის კლუბი, ღვინის ეროვნული სააგენტო, ღვინის საინფორმაციო ცენტრი
ბეჭდვა
თქვენი კომენტარი