მიუხედავად დროის ცვალებადობისა, Wine Searcher-ზე ღვინოების ძიების ტენდენცია ასე თუ ისე მდგრადია, თუმცა ჯერ კიდევ 2020 წელს, სანამ კოვიდი ძალიან დიდი წვლილს შეიტანდა ღვინის ინდუსტრიის ცვლილებებში, ყველაზე მოთხოვნადი ალკოჰოლური სასმელი შოტლანდიური ვისკი იყო. ეს შეიძლება ინდოეთის უეცარი ინტერესითაც იყოს გამოწვეული, რომლის მუდმივი გატაცება შოტლანდიის მიმართ, აშკარაა: “წლევანდელ სიაშიც ინდოეთმა საკმაოდ დიდი როლი ითამაშა, ბევრი ღვინო გადანაცვლდა, ადრე ყველაზე მოთხოვნადი ღვინო ახლა მე-15 ადგილასაა და ასეთი ცვლილება სწორედ ინდოეთის ფაქტორმა გამოიწვია” - ვკითხულობთ Wine Searcher-ში, რომლის სიაც ასე გამოიყურება:
Château Mouton Rothschild, Pauillac - $750
Château Lafite Rothschild, Pauillac - $1029
Dom Pérignon Brut, Champagne $289
Petrus, Pomerol $4516
Chateau Latour, Pauillac $831
Tenuta San Guido Sassicaia, Bolgheri $375
Château Margaux, Margaux $793
Domaine de la Romanée-Conti Romanée-Conti Grand Cru $27,172
Château Haut-Brion, Pessac-Léognan $667
Château d'Yquem, Sauternes $479
როგორც ავტორი წერს, 100 ყველაზე მოთხოვნადი პროდუქტის ფართო სიაში სულ მცირე 24 სწორედ ინდოეთის საძიებო ველიდან არის: “უახლოესი წლების განმავლობაში ამ ტენდენციას აუცილებლად უნდა ვადევნოთ თვალი, რადგან ეს ბაზარი ელექსტრონული კომერციისა და ღვინის მარკეტინგისთვის ნამდვილად ძალიან ვითარდება და წინ იწევს”. ამის მაგალითია ისიც, რომ Opus One-ის მეღვინეობა, რომელიც სიაში საკმაოდ მაღალ ადგილს იკავებდა და ძალიან მოთხოვნადი იყო, წელს მე-15 ადგილასაა. ეს თვალსაჩინო მაგალითია იმისა, თუ რას ნიშნავს ინდოეთის “გააქტიურება”.
კიდევ ერთი საინტერესო რამ არის ფასი. მიუხედავად იმისა, რომ ამ სიაში არის ღვინო, რომელიც დანარჩენებს საერთოდ არ შეესაბამება (DRC), მკაფიოა ისიც, რომ ხალხი საერთოდ არ ეძებს ბურუნდიულ ძვირადღირებული წითელი ღვინოებს. მართლაც, ტოპ 100-დან მხოლოდ 7 არის ბურგუნდიული, რაც მიუთითებს იმას, რომ მომხმარებლებისთვის ფასს მნიშვნელობა აქვს. ამას ადასტურებს სიაში შემავალი საშუალო საცალო ფასის წლიური წვლილება (Petrus-ისა და DRC-ის გარდა). ფასის ზრდა ყველაზე პოპულარულ ღვინოებზე არც ისეთი მნიშვნელოვანია, თუმცა არის მცირე არასტაბილური ცვლილებები, რის გამოც კოლექციონერები შეიძლება შეშინდნენ. მაგალითად, Mouton-ის საშუალო საცალო ფასი ბოლო ათწლეულის განმავლობაში 26%-ით ანუ წელიწადში საშუალოდ 16$-ით გაიზარდა. Latour-ის :10 წლის წინ ის 807 $ ღირდა, დღეს 831$ ღირს, წლიური ზრდა 2,4$ -ია, თუმცა ყველაფრის მიუხედავად სია ასეთია და თამამად შეიძლება ითქვას, რომ ღვინის მოყვარულთა გარკვეული ნაწილი სასურველი ღვინისთვის თანხის გაღებას არ იშურებს. მონაცემებს ვრცლად გაეცანით Wine Searcher-ზე.
© ღვინის კლუბი/vinoge.com