ფრანგული ღვინისა და ალკოჰოლური სასმელების ექსპორტმა რეკორდულ ნიშნულს მიაღწია

საფრანგეთის ღვინისა და ალკოჰოლური სასმელების ექსპორტიორთა ფედერაციის (FEVS) მონაცემთა მიხედვით, ფრანგული ღვინისა და ალკოჰოლური სასმელების ექსპორტმა 2022 წელს რეკორდულ ნიშნულს - 17.2 მილიარდ ევროს მიაღწია, რაც 2021 წლის მონაცემებთან შედარებით 10.8%-ით მეტია. ამჟამად სასმელების ექსპორტი ქვეყნის მასშტაბით სიდიდით მეორე ადგილზეა, მას მხოლოდ აეროკოსმოსური საქონლით ვაჭრობის სფერო უსწრებს.

ღვინისა და ალკოჰოლური სასმელების ექსპორტი 14%-ით გაიზარდა აშშ-ში და 4.7 მილიარდი ევრო შეადგინა, დიდ ბრიტანეთში - 7%-ით (1.7 მილიარდი ევრო), აზიაში კი 5%-ით (3.9 მილიარდი ევრო).

მსოფლიო მასშტაბით, ფრანგული სასმელების გაყიდვების მაჩვენებელი 2022 წელს შემდეგნაირად გამოიყურება: კონიაკის გაყიდვები 11.6%-ით გაიზარდა და 5.5 მილიარდი ევრო შეადგინა, ღვინის გაყიდვები 10.2%-ით გაიზარდა და 11.6 მილიარდი ევრო შეადგინა, ხოლო შამპანურის გაყიდვების ზრდამ 20%-ს გადააჭარბა და 4.2 მილიარდი ევრო შეადგინა.

© ღვინის კლუბი/vinoge.com