სოფლის მეურნეობის მინისტრის მოადგილის ანალოგიურად კახეთის გუბენატორი გიორგი ღვინიაშვილიც ირწმუნება, რომ არარენტაბელური ვაზის გაჩეხვა თავად გლეხებს სურდათ.
"ჩვენი სულიერი მამის აზრი უპირველესია. პატრიარქის აზრს უდიდეს პატივს ვცემ, მაგრამ სრული პასუხისმგებლობით ვაცხადებთ, რომ ეს პროგრამა მოდიოდა თავად გლეხებისგან და მხოლოდ უვარგის ვაზს შეეხო, თორემ ვაზის გაჩეხვის წინააღმდეგი ერთ–ერთი მე ვიქნები"–აცხადებს გუბერნატორი.
ღვინიაშვილის განცხადებით, არავითარი ვალდებულება ან დაძალება არ ყოფილა იმ გლეხებისადმი, რომლებმაც უვარგისი ვაზის გაჩეხვა და მის ადგილზე სხვა კულტურის მოიყვანა გადაწყვიტეს.
"ლეხის გადასაწყვეტია, რას მოიყვანს აჩეხილი ვაზის ადგილზე. რაც შეეხება ღვინის გაყიდვას, რუსეთის ემბარგოს გამო ღვინის გატანა გაჭირდა, თუმცა შეიძლება მოსკოვს ბოლოს ამისთვის მადლობა ვუთხრათ, რადგან რუსული ემბარგოს შედეგად ევროპის ბაზარზე გავედით,"–აცხადებს ღვინიაშვილი და დასძენს, რომ ხელისუფლება გლეხის შრომის დასაფასებლად და დარგის ასაღორძინებლად 24 საათიან რეჟიმში მუშაობს.
რადიო "კომერსანტი"
