22-24 მაისს ლონდონის საერთაშორისო გამოფენა „London Wine Fair 2017” გაიმართა, სადაც ქართული ღვინის კომპანიებმაც მიიღეს მონაწილეობა. გამოფენაზე ქართული ღვინის მიმართ ინტერესი ღვინის პროფესიონალების მხრიდან საკმაოდ დიდი იყო.
„London Wine Fair 2017” -ს 14 ათასამდე ღვინის პროფესიონალი ესტუმრა. წლევანდელ რიგით 37-ე საერთაშორისო გამოფენაზე მსოფლიოს 40 ქვეყნის 10 ათასამდე დასახელების ღვინო იყო წარმოდგენილი. ჩატარდა დეგუსტაციები, საქმიანი შეხვედრები, მასტერკლასები.
დიდი ბრიტანეთი არის ერთ-ერთი პრიორიტეტული ბაზარი ქართული ღვინისთვის. ღვინის ეროვნული სააგენტო წლის განმავლობაში აქტიურად მუშაობს ამ მიმართულებით, რადგან საქართველოს მონაწილეობა გამოფენაში არის უნიკალური შანსი ქართული ღვინის მწარმოებელი კომპანიებისთვის, გააცნონ თავიანთი პროდუქცია ევროპელ მომხამარებელს, რაც ხელს უწყობს ქართული ღვინის ექსპორტის ზრდას.
ღვინის ეროვნული სააგენტოს მხარდაჭერით „London Wine Fair 2017”-ში მონაწილეობას იღებდა შემდეგი 17 ქართული კომპანია: “კახეთის ტრადიციული მეღვინეობა”, “ქინძმარაული მარანი”, „Georgian Wine Hospitality Investment“, „თბილღვინო“, „CAP-Georgia“, „კახური ღვინის მარანი“, „ასკანელი ძმები“, „შუმი“, „მეღვინეობა ხარება“, „დუგლაძეების ღვინის კომპანია“, „მილდიანი/ წინანდლის ძველი მარანი“, „მათრობელა ღვინოები“, „გიუაანი“, „ვაზიანი კომპანი“, „ტყუპების ღვინის მარანი“, „მარნისკარი“ და „ჯიმშერი“.
© საქართველოს ღვინის კლუბი, ღვინის ეროვნული სააგენტო.