ამ კომპანიამ თავისი მორიგი მოსავლის ქინძმარაული გამოიტანა ბაზარზე. შეგახსენებთ, რომ იგი სერტიფიცირებულ ორგანულ ვენახში მოყვანილი საფერავიდან დაყენებული ადგილწარმოშობის დასახელების ნახევრადტკბილი ღვინოა, რაც ძალზე იშვიათია დღესდღეობით. ინტენსიური შეფერვის ქინძმარაულია, მუქი ჟოლოსფერი, თითქმის გაუმჭვირვალე. ხასიათდება მწიფე შავი თუთის, შავი ტკბილი ბალის, ალუბლიანი ნამცხვრის სურნელებით. გემოზე განსაკუთრებით სასიამოვნოა, სადაც ძლიერი ტანინები, სიტკბო და მჟავიანობა მშვენივრად ერწყმის ერთმანეთს. საკმაოდ ძლიერი (13,8%) და სავსე ღვინოა ხანგრძლივი დაბოლებით.
© ღვინის კლუბი/vinoge.com