ამერიკის შეერთებულ შტატებში ქართული ღვინის თვე ნიუ-იორკში ქართული ღვინის დეგუსტაციით დაიწყო. ღონისძიება ღვინის ეროვნული სააგენტოს ადგილობრივი კონტრაქტორი კომპანიის, Tastingwork-ისა და მისი ხელმძღვანელის, ლიზა გრანიკის (MW) ორგანიზებული იყო.
სამსაათიან დეგუსტაციას მედიისა და სავაჭრო სფეროს წარმომადგენლები ესწრებოდნენ. წარმოდგენილი იყო როგორც ტრადიციული, ასევე, ევროპული მეთოდით წარმოებული ღვინოები, სულ 22 კომპანიის პროდუქცია. ეს კომპანიებია: ამირან ვეფხვაძის საოჯახო მარანი, ნიკი ანთაძის საოჯახო მარანი, გოცაძეების საოჯახო მარანი, იაგოს ღვინო, ჯაყელების მეღვინეობა, ლაგვინარი, ორგო, ჩვენი ღვინო, ხოხბის ცრემლები, შალაურის მარანი, შავნაბადას მონასტრის ღვინოები, ბაგრატიონი, შატო მუხრანი, ქინძმარაულის მარანი, თელავის ღვინის მარანი, სარაჯიშვილი, შუხმან ვაინს ჯორჯია, შალვინო, შუმი, თელიანი ველი, ვინოტერა, ვაინმენი.
დეგუსტაციას ახლდა სემინარი ქართული ღვინის ისტორიისა და თანამედროვეობის შესახებ, რომელსაც ღვინის მაგისტრი, ლიზა გრანიკი უძღვებოდა.
უახლოეს მომავალში, ღვინის ეროვნული სააგენტოს მარკეტინგული კამპანიის ფარგლებში ამერიკის შეერთებულ შტატებში ქართული ღვინის ორი მნიშვნელოვანი დეგუსტაცია-სემინარი ჩატარდება საგანგებოდ მედიისა და სავაჭრო (იმპორტიორები, დისტრიბუტორები, რესტორნები, ბარები) სფეროს წარმომადგენლებისთვის, სან-ფრანცისკოსა (13 ოქტომბერი) და ვაშინგტონში (19 ოქტომბერი).
© საქართველოს ღვინის კლუბი, ღვინის საინფორმაციო ცენტრი