ყოველი წლის ნოემბერში ულვაში განსაკუთრებით პოპულარული ხდება. მოგეხსენებათ, მსოფლიოს 21 ქვეყანაში ყოველწლიურად ტარდება ნოემბრის აქცია, რომლის მონაწილე მამაკაცები იზრდიან ულვაშს და ფულს რიცხავენ ფონდში, რომელიც პროსტატის კიბოს კვლევას და მკურნალობას აფინანსებს. ამ აქციიდან გამომდინარე ინგლისურ ენაში ასეთი ტერმინიც კი გაჩნდა Movember (moustache + november). ლას-ვეგასში მდებარე ბარ Sin City Brewing Company-ს მფლობელებმა კი ამ აქციას კიდევ ერთი დანიშნულება შესძინეს და კლიენტების მოსაზიდად გამოიყენეს. ბარის კლიენტი ულვაშიანი მამაკაცები 10%-დან 50%-მდე ფასდაკლებით სარგებლობენ. თუ თქვენ პატარა ულვაში გაქვთ – ისეთი, როგორც ჩარლი ჩაპლინს ჰქონდა, მინიმალურ ფასდაკლებას მიიღებთ, ხოლო თუ კარგა გვარიანად დაწკეპილი ულვაშით გამოცხადდებით, ლუდს ნახევარ ფასად მოგართმევენ.
ბარის მფლობელებმა არც ქალბატონებს დასწყვიტეს გული და გარკვეული გარჯის საფასურად ფასდაკლება მათაც შესთავაზეს. ქალბატონებმა თითზე ულვაში უნდა დაიხატონ, შემდეგ ეს ულვაშიანი თითი საულვაშეზე მიიდონ, ფოტო გადაიღონ და სოციალურ ქსელში ატვირთონ.
© ღვინის კლუბი /Weekend