საჭირო მასალა: 200 გ ბულგური, 400 მლ წყალი, 1 ს.კ. ზღვის მარილი, 800 გ ცუკინი, 3 დიდი თავი ხახვი, 60 გ მსხვილად დაკეპილი ნიგოზი, 60 გ ქიშმიში, მწიკვი ზაფრანა, 1 ს.კ. დაფქული დარიჩინი, 3 ღერი პიტნა, 0,5 ლიმონის წვენი, 3 ს.კ. ზეითუნის ზეთი, 500 მლ იოგურტი ან მაწონი, მარილი – გემოვნებით.
მომზადება: წყალი 1 ს,კ. ზღვის მარილთან ერთად ავადუღოთ, ჩავამატოთ ბულგური და როცა წამოდუღდება, დავუწიოთ ცეცხლს. 20 წუთი თავდახურული, ძალიან დაბალ ცეცხლზე ვხარშოთ. ხახვი თხელ სეგმენტებად დავჭრათ. პიტნა წვრილად დავკეპოთ. ზეთი დავასხათ ტაფაზე და გავაცხელოთ. დავუმატოთ დაჭრილი ხახვი. 2 წუთში დავაყაროთ პატარა ნაჭრებად დაჭრილი ცუკინი. როდესაც ბოსტნეულის მოშუშვას სულ ცოტა ეკლდება, დავაყაროთ ქიშმიში, ნიგოზი, პიტნა და სანელებლები. მოვასხათ ლიმონის წვენი და სურვილისამებრ ცოტა მარილი დავუმატოთ. მივირთვათ იოგურტთან ერთად.
© ღვინის კლუბი /Weekend