როგორც აღმოჩნდა, კონდოლში მოყვანილი საფერავიდან ძალზე გამორჩეული ვარდისფერი ღვინის შექმნა შეიძლება (ისევე, როგორც თელიანის საფერავიდან). საკმაოდ რბილი და სასიამოვნო ღვინოა, ნახევრადტკბილისა და მშრალი ღვინის ზღვარზე. ღია ვარდისფერია (ე.წ. ქართული ვარდის ფერი), სასიამოვნო სიმკრთალით. მდიდარი, მაცოცხლებელი და ხალისიანი სურნელი აქვს, ეკზოტიკური ხილის, ყვავილების (არა მინდვირის, არამედ ბაღის ყვავილების), ნესვის, სუნელ-სანელებლების.
კარგია ყველებთან, ზაფხულის სალათებთან, პაშტეტთან, მსუბუქ ცივ საუზმესთან. ასევე ხილთან (ატამი, ცივი ნესვი, საზამთრო, კივი, ბანანი).
მალხაზ ხარბედია
© „მარანი“