საჭირო მასალა: 2 ცალი ლიმონი, 2 კონა რუკოლა, 3 ს.კ. ბალზამიკო, 3 ს.კ. ზეითუნის ზეთი, 4 ნაჭერი შნიცელისთვის განკუთვნილი ხორცი (თითო 150 გ), 4 ს.კ. ფქვილი, 4 ს.კ. ზეთი – შესაწვავად, 2 ს.კ. ერბო, 50 მლ ბოსტნეულის ბულიონი, მარილი, პილპილი – გემოვნებით.
მომზადება: ლიმონები ცხელ წყალში გავრეცხოთ, 1 ცალს მოვაცილოთ ცედრა და გავწუროთ, მეორე კი დავჭრათ და შევინახოთ. ბალზამიკო, მარილი და პილპილი ავურიოთ, შევურიოთ ზეითუნის ზეთი. ხორცის ნაჭრებს მოვაყაროთ მარილი და პილპილი, ამოვავლოთ ფქვილში და გახურებულ ზეთში შევწვათ. მომზადებამდე 1 წუთით ადრე დავუმატოთ ერბო. მზა ხორცი ტაფიდან ამოვიღოთ და თბილად შევინახოთ. ტაფაზე დავასხათ ბულიონი და ლიმონის წვენი, დავაყაროთ მარილი და პილპილი და წამოვადუღოთ. რუკოლაზე მოვასხათ ბალზამიკოსა და სანელებლების ნარევი, მოვაყაროთ ცედრა, ზედ დავდოთ შემწვარი ხორცი, ლიმონის ნაჭრები და მოვასხათ ცხელი სოუსი.
© ღვინის კლუბი /Weekend