საფრანგეთის ქალაქ კლემონ-ფერანის ერთ-ერთ კლინიკაში აპირებენ ბარის გახსნას, რომელშიც უკურნებელი სენით დაავადებულ ავადმყოფებსა და მათ ახლობლებს გულის მოოხება შეეძლებათ. ბარში, რომელიც სექტემბერში უნდა ამოქმედდეს, გაიყიდება ღვინო, ლუდი, ვისკი და სხვა ალკოჰოლური სასმელი. ბარი საავადმყოფოს პალიატიური მკურნალობის ცენტრის ტერიტორიაზე იქნება განლაგებული. ავადმყოფებს საშუალება ექნებათ იქ ახლობლები და ნათესავებიც დაპატიჟონ და მათთან ერთად დალიონ ჭიქა ღვინო. ასეთი ბარი, რომლის დანიშნულებაც იქნება უკურნებელი სენით დაავადებულ ადამიანთა გამხნევება და გახალისება, პირველად იხსნება საფრანგეთში. ფსიქოლოგთა ჯგუფმა სპეციალური ტრენინგები ჩაუტარა იმ პერსონალს, რომელიც ასეთ ავადმყოფებს და მათ ახლობლებს უნდა მოემსახუროს. თუ ეს ექსპერიმენტი გაამართლებს, მაშინ ანალოგიური ბარები საფრანგეთის სხვა კლინიკებშიც გაიხსნება.
© ღვინის კლუბი /Weekend