საჭირო მასალა: 2 ცალი დიდი პამიდორი, 2 ცალი პრასი, 2-3 ღერი ბეგქონდარა, 1 ცალი ლიმონი, 400 გ ფარგას ფილე, 2 ს.კ. ზეითუნის ზეთი, 100 გ ბაგეტი, ზღვის მარილი, პილპილი – გემოვნებით.
მომზადება: პამიდორი მსხვილ რგოლებად დავჭრათ. პრასი თხლად დავჭრათ. ბეგქონდარა დავკეპოთ (ან ხმელი გამოვიყენოთ). ლიმონი ცხელი წყლით გავრეცხოთ, შუაზე გავჭრათ და ნახევარი გავწუროთ. მეორე ნაწილი თხელ ნაჭრებად დავჭრათ. თევზი გავრეცხოთ, გავამშრალოთ და 4 ნაწილად გავჭრათ. მოვასხათ ლიმონის წვენი და 5-10 წუთი ასე გავაჩეროთ. ღუმელი 200 გრადუსზე გავახუროთ. პერგამენტის ქაღალდი ორად გავჭრათ, ზედ დავაწყოთ პამდვრის ნაჭრები, მოვაყაროთ მარილი და პილპილი. ზემოდან დავაწყოთ თევზის ნაჭრები და კვლავ მოვაყაროთ სანელებლები. თევზზე მოვათავსოთ ლიმონის ნაჭრები, პრასი, ბეგქონდარა და მოვასხათ ზეთი. თითოეული ნაწილი კარგად შევკრათ და მოვათავსოთ თუნუქის ფურცელზე. ვაცხოთ 20 წუთის განმავლობაში. მივირთვათ ბაგეტთან ერთად.
© ღვინის კლუბი /Weekend