საჭირო მასალა: 1 კონა წვრილად დაჭრილი ტარხუნის ფოთლები, 1 კვერცხის გული, 100 მლ სქელი ნაღები, 70 გ ყველი გაუდა, 500 გ მოხარშული კარტოფილი, 1 ს.კ. დარბილებული კარაქი, 12 ღერი მოხარშული სატაცური. მარილი, პილპილი, ჯავზი, ლიმონის წვენი – გემოვნებით.
სატაცურის სოუსისთვის – 30 გ კარაქი, 20 გ ფქვილი, 300 მლ სატაცურის ნახარში წვენი, 200 მლ რძე, მწიკვი შაქარი, მარილი – გემოვნებით.
მომზადება: ტაფაზე გავადნოთ კარაქი, დავუმატოთ ფქვილი და 1-2 წუთი ვშუშოთ, დავასხათ სატაცურის ნახარში წვენი და რძე. დაახლოებით 15 წუთი ვხარშოთ დაბალ ცეცხლზე, შევანელოთ მარილითა და შაქრით. ტარხუნა, მარილი, პილპილი, ჯავზი და ლიმონის წვენი ავურიოთ და დავუმატოთ ერთად ათქვეფილი კვერცხის გული და ნაღები. მასა წვრილი ნაკადით დავასხათ ცხელ სოუსს და მუდმივად ვურიოთ, რომ არ აიჭრას. მივიყვანოთ ადუღებამდე (არ უნდა ადუღდეს!). ყველი გავხეხოთ. კარტოფილი საშუალო ზომის ნაჭრებად დავჭრათ. 26X16 სმ ზომის ფორმას კარაქი წავუსვათ. ჩავაწყოთ კარტოფილი, სატაცური, მოვასხათ სატაცურის სოუსი და მოვაყაროთ ყველი. გამოვაცხოთ 220 გრადუსზე გახურებულ ღუმელში 10-15 წუთით.
© ღვინის კლუბი /Weekend