ოქსფორდელმა პროფესორმა ჩარლზ სპენსმა მეცნიერულად დაამტკიცა ყველასათვის ცნობილი წესი: კარგი სასმელი კარგ გარემოცვაში უნდა მივირთვათ. პროფესორმა ცდისათვის 300 მოხალისე აიყვანა და დაადგინა, რომ გემოსა და არომატის აღქმის 20% სწორედ გარემოზეა დამოკიდებული. მეცნიერმა რამდენიმე კანონზომიერება დაადგინა: თუ ინტერიერში წითელი ფერი ჭარბობს, ადამიანს სასმელი უფრო ტკბილი ეჩვენება. თუ ოთახი ხით არის მოპირკეთებული და ცეცხლიც გიზგიზებს, სასმელს უფრო ხისა და მერქნის არომატი ეძლევა. ხოლო თუ ინტერიერში მწვანე ფერი ჭარბობს და ბევრი მცენარეც დგას, სასმელს უფრო მეტად ცოცხალი და ქორფა მცენარეული არომატი დაჰკრავს. პროფესორი იმასაც აღნიშნავს, რომ თუკი ინტერიერს სწორად შევარჩევთ, ამით შეგვიძლია სასმლის “ნაკლიც” დავფაროთ ან პირიქით, მისი მთელი ღირსება სრულად წარმოავაჩინოთ. რაც მთავარია, არასოდეს დალიოთ ღვინო არეულ სამზარეულოში – ასეთ გარემოში საუკეთესო ღვინოც კი სრულიად უგემური მოგეჩვენებათ.
© ღვინის კლუბი /Weekend