მოშუშული ვაშლის ნამცხვარი ბეზეთი

საჭირო მასალა: ძირი - 1 დიდი კვერცხის გული, 100 გ გამდნარი კარაქი, 1 ს.კ. შაქარი, 1 ჭიქა ფქვილი, 1/3 ჩ.კ. სოდა, მწიკვი მარილი.
გულსართი -  6 ცალი დიდი, მჟავე ვაშლი, 2 ჩ.კ. კარაქი, 1-2 ს.კ. შაქარი. ბეზე - 3 კვერცხის ცილა, 3/4 ჭიქა შაქარი, მწიკვი ვანილი, მწიკვი მარილი.

მომზადება: კარაქი და შაქარი ავთქვიფოთ, დავუმატოთ კვერცხის გული, მარილი, სოდა, ფქვილი და მოვზილოთ ცომი. ცომი თხელ ფენად გავაბრტყელოთ და ჩავაფინოთ 24 სმ დიამეტრის ფორმაში. ვაშლი გავფცქვნათ, თხლად დავჭრათ, დავაყაროთ შაქარი და ვშუშოთ, სანამ არ ჩაიშლება, ჩავზილოთ და მოვათავსოთ ცომზე. ვაცხოთ 180 გრადუსზე დაახლოებით 15-20 წუთის განმავლობაში, სანამ ცომი ღია ოქროსფერი არ გახდება. ამასობაში კვერცხის ცილა კარგად ავთქვიფოთ მარილთან ერთად, თანდათან ვამატოთ შაქარი, ვანილი და მოვამზადოთ ბეზე. ბეზე გადავანაწილოთ ვაშლის მასაზე და ფორმა შევაბრუნოთ ღუმელში დაახლოებით 10-15 წუთით, სანამ არ დაიბრაწება.

© ღვინის კლუბი /Weekend