ესპანეთში, ქალაქ კარტახენაში მდებარე მუზეუმ Centro Cultural Ramon Alonso Luzzy-ში გამოფენილია ნახატები, რომლებიც არა საღებავით, არამედ ღვინით არის შესრულებული.
საინტერესოა, რომ ეს ორიგინალური ექსპოზიცია ყოველწლიურად იმართება სამხატვრო ფესტივალის ფარგლებში, რომელიც ხელოვნებისა და ღვინის შერწყმას ეძღვნება.
ღვინო, რომლითაც ნახატები უნდა დახატულიყო, ცხადია, თავადაც საგანგებოდ შეიქმნა. ჩვეულებრივისგან განსხვავებით, ღვინო-საღებავი უფრო სქელი და ბლანტია.
დამთვალიერებლები აღფრთოვანებულები არიან, რადგან საღებავად გამოყენებული ღვინო საოცარ სურნელს აფრქვევს და თავად ნახატებიც, ძირითადად, ღვინის თემატიკას ეძღვნება.
დამთვალიერებლებს საშუალება აქვთ 20 მხატვრის მიერ შექმნილი ამ საუცხოო ნახატებით 18 თებერვლამდე დატკბნენ.
© ღვინის კლუბი /Weekend