საჭირო მასალა: 2 ცალი ფორთოხალი, 4 ს.კ. ფორთოხლის ლიქიორი, 150 მლ თბილი ესპრესო ან მაგარი, უნალექო ყავა, 50 გ შაქრის პუდრი, 2 ს.კ. შაქარი, 100 გ მწარე შოკოლადი, 250 გ მასკარპონე, 250 გ უცხიმო ხაჭო, 150 გ სავოიარდის ბისკვიტი, 1 ს.კ. კაკაო.
მომზადება: ფორთოხალი გავფცქვნათ, მოვაშოროთ თეთერი რბილობი და დავჭრათ. დავასხათ ლიქიორი და 30 წუთი გავაჩეროთ. ყავას ავურიოთ შაქარი და გავაცივოთ. შოკოლადი წვრილად გავხეხოთ. მასკარპონე, ხაჭო, შოკოლადი და შაქრის პუდრი კარგად ავურიოთ (არ ავთქვიფოთ!). 15X20 სმ ზომის ფორმაში ერთ ფენად ჩავაწყოთ ბისკვიტები და ზემოდან ნახევარი ყავა მოვასხუროთ. წავუსვათ კრემი და ზედ ფორთოხლის ნახევარი გადავანაწილოთ. მეორე ფენაც ასე მოვამზადოთ და ზემოდან სქელ ფენად წავუსვათ კრემი. დესერტი 3-4 საათით შევდგათ მაცივარში და სერვირების წინ მოვაყაროთ კაკაოს.
© ღვინის კლუბი /Weekend