საჭირო მასალა: 450 მლ ბოსტნეულის ბულიონი, 3 თავი ხახვი, 1 ს.კ. ზეითუნის ზეთი, 120 გ რიზოტოს ბრინჯი, 100 მლ თეთრი ღვინო, 250 გ მოხარშული ჭარხალი, 1 კონა მწვანე ხახვი, 25 გ პარმეზანი, მარილი, პილპილი – გემოვნებით
მომზადება: ბულიონი წამოვადუღოთ და თბილად დავდგათ. ხახვი წვრილად დავჭრათ და ზეთში მოვშუშოთ. დავუმატოთ ბრინჯი და ამოვურიოთ. დავასხათ ღვინო და ავადუღოთ, თან ვურიოთ. ცეცხლს დავუწიოთ, დავასხათ 150 მლ ბულიონი და 20 წუთი ვშუშოთ. ბულიონი რომ დააშრება, ნელ-ნელა დანარჩენიც ვუმატოთ. ბრინჯს ხშირად ამოვურიოთ. მომზადებამდე 5 წუთით ადრე რიზოტოს დავუმატოთ 1 სმ ზომის ნაჭრებად დაჭრილი ჭარხალი, ბოლოს მოვაყაროთ გახეხილი პარმეზანი და დაჭრილი მწვანე ხახვი.
© ღვინის კლუბი /Weekend