საჭირო მასალა: 100 გ სოკო შიიტაკე ან სხვა ახალი სოკო, 2 ღერი მწვანე ხახვი, 8 გ ნედლი ჯანჯაფილი, 1 ს.კ. სეზამის მარცვლები, 3 ცალი კვერცხი, 1 ს.კ. სოიის სოუსი, 1 ს.კ. სეზამის ზეთი, პრასი – გემოვნებით.
მომზადება: სოკო და მწვანე ხახვი თხლად დავჭრათ. სეზამის მარცვლები უცხიმოდ მოვხალოთ ტაფაზე. კვერცხს დავუმატოთ 1-2 ს.კ. წყალი, სოიის სოუსი და ავთქვიფოთ. ტაფაზე გავაცხელოთ ზეთი, დავუმატოთ სოკო, მწვანე ხახვი, გახეხილი ჯანჯაფილი. 1-2 წუთში დავასხათ გათქვეფილი კვერცხი. ტაფას დავახუროთ სახურავი და საშუალო ტემპერატურაზე შევწვათ, სანამ ზედაპირი არ შეიკვრება. შემდეგ გადმოვიღოთ, რულეტივით გადავახვიოთ და დავჭრათ. დეკორისთვის თითოეული ნაჭერი პრასის ფოთლით შევკრათ.
© ღვინის კლუბი/Weekend