ნიკიტა ვისოცკი - ვლადიმერ ვისოცკის ვაჟი და მისი სახელობის საქველმოქმედო ფონდის დამფუძნებელი, ალკოჰოლური სასმელების გამოშვებას გეგმავს. სასმელები, ცხადია, “ვლადიმერ ვისოცკის” სახელით ჩამოისხმება. თუმცა ჯერ ისევ მოსაძებნია პოტენციური პარტნიორები, რომლებიც ამ იდეას ხორცს შეასხამენ. რუსეთის ფედერალური და რეგიონალური ალკოჰოლური ბაზრის კვლევის ცენტრის დირექტორის, ვადიმ დრობიზის თქმით, ვისოცკის ფონდის წარმომადგენლებმა “ვლადიმერ ვისოცკის” მარკის არყის, კონიაკისა და ვისკის გამოშვების
შესახებ მას რჩევისათვის მიმართეს. “მე მათ უარი ვუთხარი. ჩემი აზრით, ასეთი ბრენდი ბაზარზე ვერ დამკვიდრდება. ის მომხმარებლები კი, რომლებიც ვლადიმერ ვისოცკის შემოქმედების უდიდესი დამფასებლები არიან, ასეთ საქციელს მკრეხელობად ჩათვლიან,” – განაცხადა ბატონმა დრობიზმა.
© ღვინის კლუბი/Weekend