საჭირო მასალა: 1,5 კგ ღორის ნეკნები, 2 თავი ხახვი, 2 კბილი ნიორი, 20 გ ნედლი ჯანჯაფილი, 2 ს.კ. კარაქი, 5 ს.კ. ყავისფერი შაქარი, 100 მლ ვაშლის ძმარი, 150 გ კეტჩუპი, 100 მლ ვორჩესტერის სოუსი, მარილი, პილპილი – გემოვნებით.
მომზადება: ნეკნებს მოვაცილოთ აპკი და 5-6 ნაწილად გავჭრათ. ჩავაწყოთ მდუღარე მარილიან წყალში და დაახლოებით 1 საათის განმავლობაში დაბალ ცეცხლზე ვხარშოთ. ხახვი, ნიორი და ჯანჯაფილი გავხეხოთ სახეხზე. ტაფაში გავაცხელოთ კარაქი და დავუმატოთ გახეხილი ბოსტნეული. მოვაყაროთ შაქარი და ვშუშოთ, სანამ კარამელიზაცია არ დაიწყება. დავასხათ კეტჩუპი, ვორჩესტერის სოუსი, ძმარი და დაბალ ცეცხლზე ვადუღოთ, სანამ არ შესქელდება. შევანელოთ მარილითა და პილპილით.
ღუმელი გავაცხელოთ 170-180 გრადუსზე. ხორცის ნაჭრები მოვათავსოთ ქაღალდჩაფენილ ფორმაში და სოუსის ნახევარი დავასხათ. 20 წუთით შევდგათ ღუმელში, შემდეგ დანარჩენი სოუსი მოვასხათ და კიდევ 20 წუთით შევდგათ შესაწვავად. მზა ნეკნები უნდა იყოს პრიალა და ხრაშუნა.
© ღვინის კლუბი/Weekend