საჭირო მასალა: 300-350 გ ფრინველის ფილე, 1 ცალი წითელი ტკბილი წიწაკა, 125 გ სტაფილო, 1 თავი წითელი ხახვი, 5 გ ნედლი ჯანჯაფილი, 175 გ დაკონსერვებული ანანასი, 1 ს.კ. ზეთი, 150 მლ ფორთოხლის წვენი, 1 ს.კ. წითელი ღვინის ძმარი, 75 მლ კეტჩუპი, 1 ს.კ. თაფლი, მარილი, წიწაკა – გემოვნებით.
მომზადება: ხორცი 2 სმ ზომის კუბებად დავჭრათ. წიწაკა ოთხად, ხოლო ხახვი – რვა ნაწილად გავჭრათ. სტაფილო და ჯანჯაფილი გავხეხოთ. ანანასი გადავწუროთ და კუბებად დავჭრათ. ტაფაზე გავაცხელოთ ზეთი, დავუმატოთ ხორცი, მოვაყაროთ მარილი და მაღალ ცეცხლზე შევბრაწოთ. ხორცი ამოვიღოთ და ამავე ცხიმში ჩავყაროთ ხახვი, სტაფილო, წიწაკა და 3-4 წუთის განმავლობაში ვშუშოთ. დავუმატოთ ჯანჯაფილი და ოდნავ მოვშუშოთ. ძმარი, ფორთოხლის წვენი, კეტჩუპი და თაფლი ავურიოთ და დავუმატოთ ტაფაზე ინგრედიენტებს. ვშუშოთ 1 წუთის განმავლობაში. დავუმატოთ ხორცი და ანანასი. კერძი საშუალო ტემპერატურაზე 5 წუთის განმავლობაში ვშუშოთ, დავუმატოთ მარილი და წიწაკა.
© ღვინის კლუბი/Weekend