შოტლანდიური ვისკის ერთ-ერთი უძველესი სახდელი Tobermory Distillery, რომელიც 1798 წელს დაარსდა, არსებობის განმავლობაში უკვე მეორედ წყვეტს ფუნქციონირებას. ამის მიზეზი კი წყლის სიმცირე გახდა - სახდელი ჰებრიდის კუნძულებზეა გაშენებული და ტბის წყლით მარაგდება. გასული წლის მსგავსად, წლევანდელი წლის მარტშიც ჩვეულებრივზე 5-ჯერ ნაკლები ნალექი მოვიდა, რამაც ტბის დაშრობა გამოიწვია. მართალია, კუნძულებზე შარშანაც იყო გვალვა, მაგრამ გვიან გაზაფხულზე მოსულმა უხვმა ნალექმა ტბა ისევ შეავსო და წარმოება არ შეფერხებულა. წელს კი მეტეოროლოგები უფრო ხანგრძლივ გვალვას წინასწარმეტყველებენ. კომპანიის მესვეურები აცხადებენ, რომ მუშაობის შეწყვეტის საფრთხის მიუხედავად, წარმოებისთვის სხვა წყალს მაინც არ გამოიყენებენ.
© ღვინის კლუბი/Weekend