საჭირო მასალა: 8 ჭიქა ხმელი წითელი ლობიო, 1.5 კგ დამარილებული და გამშრალი საქონლის ხორცი, 900 გ ძეხვი ჩორისო, 900 გ ღორის ნეკნები, 2 ცალი
დაფნის ფოთოლი, 1 თავი ხახვი, 2 კბილი ნიორი, 3 ს.კ. ზეითუნის ზეთი.
მომზადება: ლობიო და ხორცი ცალ-ცალკე ჭურჭელში დავალბოთ მთელი ღამით. დილით ლობიოს წყალი გამოვუცვალოთ და დავდგათ მოსახარშად. საქონლის ხორცი და ძეხვი დავჭრათ პატარა ნაჭრებად და ჩავუშვათ ლობიოს ქვაბში დაფნის ფოთლებთან ერთად. წყალი თუ დააკლდა, უნდა დავუმატოთ. წყალი ლობიოს 3 სმ-ზე უნდა ფარავდეს. წვრილად დაჭრილი ხახვი და ნიორი მოვშუშოთ ზეითუნის ზეთში, დავუმატოთ რამდენიმე კოვზი ლობიო, ჩავზილოთ და მოვათავსოთ ლობიოსა და ხორცთან ერთად ბოლომდე მოსამზადებლად. 1 საათის დუღილის შემდეგ დაფნის ფოთოლი ქვაბიდან ამოვიღოთ.
© ღვინის კლუბი/Weekend