საჭირო მასალა: 250 გ ბრინჯი “არბორიო”, 700 მლ წყალი, 3 კვერცხი, 75 გ ორცხობილას საფანელი, 75 გ ფქვილი, 100 გ მაგარი ყველი, 50 გ კარაქი, 200 გ ვირთევზას ღვიძლი, 1 კონა მწვანე ხახვი, მარილი გემოვნებით, ზეთი შესაწვავად.
მომზადება: ბრინჯი მოვხარშოთ მარილიან წყალში, ყველი გავხეხოთ მსხვილ სახეხზე. მოხარშული ბრინჯი გადავიტანოთ ჯამში, დავუმატოთ გახეხილი ყველი და კარაქი, ათქვეფილი კვერცხის ნახევარი, ავურიოთ და ვაცადოთ შეგრილება. ვირთევზას ღვიძლი ჩანგლით გავჩეჩოთ, დავუმატოთ დარჩენილი გახეხილი ყველი და წვრილად დაჭრილი ხახვი. ავიღოთ დაახლოებით კვერცხის მოცულობის ბრინჯი, გავაბრტყელოთ ხელისგულზე, ჩავდოთ გულსართი და მივცეთ ბურთულის ფორმა. ცალ-ცალკე თასებში მოვათავსოთ ფქვილი, საფანელი და დარჩენილი გათქვეფილი კვერცხი. ბრინჯის ბურთულები ამოვავლოთ ჯერ ფქვილში, შემდეგ კვერცხში და ბოლოს საფანელში. შევწვათ ცხელ ცხიმში დაბრაწვამდე, ზედმეტი ცხიმისაგან დასაწრეტად დავაწყოთ ხელსაწმენდზე.
© ღვინის კლუბი/Weekend