საჭირო მასალა: 150 გ პასტა, 700 გ კარტოფილი, 300 გ ცუკინი, 300 გ ხმელი ლობიო, 200 გ მწვანე ლობიო, 200 გ გოგრა, 200 გ წითელი ფხალი, 2 ღერი ნიახური, 1 თავი ხახვი, ცივი გამოხდის ზეითუნის ზეთი, მარილი, პილპილი - გემოვნებით. პესტოსათვის – 1 კონა რეჰანი, 1 კბილი ნიორი, 25 გ პარმეზანი, 25 გ ყველი პეკორინო, მარილი, ზეითუნის ზეთი.
მომზადება: პესტოს ინგრედიენტები დავაქუცმაცოთ სამზარეულოს კომბაინში. წინა დღით დამბალ ლობიოს გამოვუცვალოთ წყალი და მოვხარშოთ. ქვაბში მოვათავსოთ მოხარშული ლობიო, კუბებად დაჭრილი კარტოფილი, ცუკინი, გოგრა, ნიახური, ხახვი, მწვანე ლობიო, დავასხათ 3 ლ წყალი და ვხარშოთ 20 წუთი. მოვაყაროთ მარილი, პილპილი, მოვასხათ ზეთი. დავუმატოთ დაჭრილი წითელი ფხლის ფოთლები და ვხარშოთ კიდევ 10 წუთი. შემდეგ ჩავამატოთ პასტა და ყურადღებით ვხარშოთ, რომ არ ჩაიხარშოს. მზა მინესტრონეს დავუმატოთ პესტო და ავურიოთ.
© ღვინის კლუბი/Weekend