საჭირო მასალა: 2 ს.კ. სიმინდის სახამებელი, 1/4 ჭიქა ბრინჯის ფქვილი, 1 ლ რძე, 1 ჭიქა შაქარი, 1 ს.კ. ფორთოხლის წვენი, 2 ს.კ. ვარდის წყალი, 3 ს.კ. თაფლი, ¾1/2 ჭიქა დაფქული ფსტა.
მომზადება: სიმინდის სახამებელი და ბრინჯის ფქვილი გავხსნათ 0,5 ჭიქა ცივ რძეში. 4 ჭიქა რძე ჩავასხათ ქვაბში და წამოვადუღოთ (ქვაბს სასურველია ტეფლონის ზედაპირი ჰქონდეს, რომ არ მიიკრას), დავუმატოთ რძეში გახსნილი სახამებელი და ბრინჯის ფქვილი, ცეცხლს დავუწიოთ და ვურიოთ, რომ არ მიიწვას. ვხარშოთ დაახლოებით 15-20 წუთის განმავლობაში, სანამ არ შესქელდება. დავუმატოთ 1 ს.კ. ვარდის წყალი, ფორთოხლის წვენი და კიდევ რამდენიმე წუთი ვხარშოთ. კრემი გავანაწილოთ ფორმებში, გადავაკრათ ცელოფანი და გავაცივოთ მაცივარში. სანამ კრემი გაცივდება, თაფლი გავხსნათ 0,5 ჭიქა წყალში და წამოვადუღოთ, დავასხათ 1 ს.კ. ვარდის წყალი და გავაცივოთ. დესერტი თაფლის სოუსთან ერთად მივირთვათ.
© ღვინის კლუბი/Weekend
