საჭირო მასალა: 1.5 კგ ღორის ხორცი, 1 მოზრდილი ლიმონი, 2 ს.კ. დაქუცმაცებული ან დანაყილი ნიორი, 1/3 ჭიქა სოიოს სოუსი, 2 ს.კ. ზეთი, 1 ჩ.კ. მარილი, 2 ჩ.კ. პილპილი, 2 თავი ხახვი.
მომზადება: ხორცი დავჭრათ დაახლოებით 4X4 სმ ნაჭრებად, შევაზილოთ ზეთში არეული ნიორი, მარილი, პილპილი, ჩავაწყოთ მინის ჭურჭელში, მოვასხათ სოიოს სოუსი, ლიმონის წვენი, ავურიოთ, რომ ყველგან მოხვდეს მარინადი და გავაჩეროთ 1-დან 5 საათამდე. გავაცხელოთ სქელძირიანი ტაფა, ზედ მოვათავსოთ დამარინადებული ხორცის ნაჭრები და შევწვათ ნელ ცეცხლზე, თავახდილი. ხორცის ნაჭრები ხშირად ვაბრუნოთ, რომ თანაბრად დაიბრაწოს. თუ ხორცი სრულიად უცხიმოა, შეწვის პროცესში ცოტა ზეთი დავამატოთ.
© ღვინის კლუბი/Weekend