მასალა: 400 გ ხბოს ხორცი, 8 ღერი როზმარინი, 3 ცალი ფორთოხალი, 3 თავი ხახვი, 1 ცალი წიწაკა ჩილი, 1 ს.კ. ყურძნის წიპწის ზეთი, 3 ს.კ. ბოსტნეულის ბულიონი, 1 ს.კ. ხმელი ტარხუნა, 1 ს.კ. ზეთი, მარილი, წიწაკა – გემოვნებით.
მომზადება: ხბოს ხორცი საშუალო ზომის თხელ ნაჭრებად დავჭრათ და ჩხირით გავხვრიტოთ. როზმარინის ტოტებს ქვედა ფოთლები გავაცალოთ და თითოეულზე თითო ხორცის ნაჭერი წამოვაცვათ.
ფორთოხალი გავფცქვნათ, მოვაცალოთ თეთრი კანი და რბილობი დავჭრათ, რაც დარჩება გავწუროთ და დავუმატოთ ყურძნის წიპწის ზეთი, ქათმის ბულიონი, წვრილად დაჭრილი ხახვი, ხმელი ტარხუნა და წიწაკა. ოდნავ ავთქვიფოთ და დავუმატოთ ფორთოხალიც. ხორცი მოვათავსოთ ცხიმდასხმულ ტაფაზე და ორივე მხრიდან შევბრაწოთ. მოვაყაროთ მარილი და პილპილი. მივირთვათ ფორთოხლის ვინეგრეტთან ერთად.
© ღვინის კლუბი/Weekend