საჭირო მასალა: 250 გ ახალი ქამა სოკო, 0,5 ს.კ. ზეითუნის ზეთი, 0,5 ჭიქა წყალი, 2 ცალი კანგაცლილი, დაჭყლეტილი პამიდორი (შეიძლება დაკონსერვებულიც), ნახევარი ლიმონის ცედრა და წვენი, 1 ცალი დაფნის ფოთოლი, 0,5 ჩ.კ. ხმელი ქინძი, ხმელი ქონდარი, მარილი, პილპილი – გემოვნებით.
მომზადება: პამიდორი მოვათავსოთ ქვაბში, დავასხათ ზეითუნის ზეთი, წყალი, სანელებლები, ლიმონის წვენი და ცედრა. დავდგათ საშუალო ცეცხლზე და ვხარშოთ 5 წუთი. სოკო გავრეცხოთ, შევაშროთ და მთელ-მთელი ჩავყაროთ პამიდვრის სოუსში. ვხარშოთ კიდევ 5 წუთი. სოკო ამოვიღოთ ქაფქირით და სოუსი კიდევ ცოტა ხანი ვხარშოთ, სანამ ნახევარი არ დაშრება. სოკო მოვათავსოთ ჯამში და მოვასხათ სოუსი. შეგვიძლია მივირთვათ როგორც ცხელი, ასევე ცივიც. ძალიან უხდება ხორციან კერძებს.
© ღვინის კლუბი/Weekend