საჭირო მასალა: 400 გ მოხარშული ან დაკონსერვებული მუხუდო, 1 კბილი წვრილად დაჭრილი ნიორი, 1 ტოტი დაკეპილი როზმარინი, 1 ჩ.კ. მდოგვი, 2-3 ს.კ. წითელი ღვინის ძმარი, 4 ს.კ. ზეითუნის ზეთი, 5-6 ცალი პამიდორი ჩერი, 1 ცალი გახეხილი კიტრი, 1 კონა დაკეპილი ოხრახუში, მარილი, წიწაკა - გემოვნებით.
მომზადება: ქვაბში ავურიოთ ნიორი, მუხუდო, როზმარინი და ცოტა წყალი. რამდენიმე წუთით დავდგათ ცეცხლზე და შევათბოთ. შემდეგ დავუმატოთ მდოგვი, ძმარი, ზეთი, მარილი და წიწაკა. სასალათეში ჩავაწყოთ შუა-შუა გაჭრილი პამიდვრები, მოვაყაროთ კიტრი, ოხრახუში, მუხუდო და ავურიოთ.
© ღვინის კლუბი/Weekend