საჭირო მასალა: 500 გ საქონლის ფარში, 150 გ ბეკონი, 1 თავი ხახვი, 100 გ კედრის თესლი, 3 კბილი ნიორი, 1 კონა ოხრახუში, 500 გ თეთრი პურის გული, 250 გ რიკოტა ან ნადუღი, 25 გ პარმეზანი ან სხვა მაგარი ყველი, 1 ლიმონის ცედრა, 1 ცალი კვერცხი, ზეთი, მარილი და პილპილი – გემოვნებით.
მომზადება: ხახვი და ნიორი ხორცსაკეპ მანქანაში გავატაროთ ან დავნაყოთ. კედრის თესლი მსხვილად დავფქვათ. მწვანილი წვრილად დავჭრათ, რიკოტა ჩანგლით დავჭყლიტოთ. ზეთში მოვშუშოთ ხახვი და კედრის თესლი, დავუმატოთ ნიორი და გადმოვდგათ ცეცხლიდან. ჯამში ავურიოთ კვერცხი, მწვანილი, რიკოტა, პარმეზანი, ლიმონის ცედრა და დაფხვნილი პურის გული, დავუმატოთ ხორცის ფარშს მოშუშულ ინგრედიენტებთან ერთად. მოვაყაროთ მარილი და პილპილი. ფარში კარგად მოვზილოთ და 1 საათით მაცივარში მოვათავსოთ. ფარშისგან გავაკეთოთ ბრტყელი კატლეტები, გავახვიოთ ბეკონის ფენებში და საჭიროების შემთხვევაში ხის ჩხირებით შევკრათ. კატლეტები გაცხელებულ ზეთში 3-4 წუთის განმავლობაში ორივე მხრიდან შევწვათ, შემდეგ დავუწიოთ ცეცხლს და თავდახურული 10 წუთის განმავლობაში შევწვათ.
© ღვინის კლუბი/Weekend