საჭირო მასალა: 1 ცალი ფორთოხალი, 3 ცალი კვერცხი, 100 გ შაქარი, 100 მლ ფორთოხლის წვენი, 200 გ გათქვეფილი ნაღები, 300 გ გაყინული ჟოლო, 0,5-1 ს.კ. სახამებელი, შაქრის პუდრა – მოსართავად.
მომზადება: ფორთოხალს მოვაცალოთ ცედრა. რბილობს მოვაცალოთ თეთრი კანი ისე, რომ რბილობი არ დაზიანდეს. ცედრა ცალკე შევინახოთ. ფორმაში ჩავაფინოთ ფოლგა. კვერცხი, 75 გ შაქარი და 100 მლ ფორთოხლის წვენი ორთქლის აბაზანაზე დავდგათ და ვთქვიფოთ. როდესაც შესქელდება, გადმოვდგათ, შევაგრილოთ და კიდევ გავთქვიფოთ. ცალკე გავთქვიფოთ ნაღები და შევურიოთ მომზადებულ კრემს. ფორთოხლის რბილობი მოვათავსოთ ფორმის ძირზე, ზედ გადავანაწილოთ გათქვეფილი მასა, ზემოდანაც ფოლგა გადავაფაროთ და 4 საათის განმავლობაში საყინულეში მოვათავსოთ. კენკრის ნახევარი, 1 ს.კ. შაქარი და 5-6 ს.კ. წყალი წამოვადუღოთ. ავურიოთ 1 ს.კ. სახამებელი და წყალი, დავასხათ კენკრას და წამოვადუღოთ. დავუმატოთ დანარჩენი ჟოლო. პარფე დავჭრათ ნაჭრებად და მოვასხათ ცხელი ჟოლოს სოუსი.
© ღვინის კლუბი/Weekend