ევროპელი კოლეგებისგან განსხვავებით, კალიფორნიელმა მევენახეებმა წელს მოსავლის რეკორდული რაოდენობა მიიღეს. წინასწარი მონაცემებით, კალიფორნიელებმა წელს დაახლოებით 3,7 მილიონი ტონა ყურძენი გადაამუშავეს, რაც წინა წელთან შედარებით 12%-ით მეტია. მწარმოებლებმა ამ წლის ვინტაჟს უკვე ,,შესანიშნავი” უწოდეს. განსაკუთრებით წარმატებულია ჩრდილოეთ სანაპიროს მოსავალი. ტიპურმა კალიფორნიულმა ამინდმა: ნისლიანმა დილამ, ცხელმა შუადღემ და გრილმა დაისმა ყურძნის დამწიფებისთვის მშვენიერი პირობები შექმნა. ერთადერთი სირთულე, რაც ამერიკელ მევენახეებს შეექმნათ, ყურძნის წითელი ჯიშების ერთდროული დამწიფება გახლდათ. დიდ ფართობზე ამხელა მოსავლის დროული აღება და უმოკლეს დროში გადამუშავება მართლაც რთული საქმე იყო, მაგრამ კალიფორნიელებმა ძალ-ღონე არ დაიშურეს და რთველს წარმატებით გაართვეს თავი.
© ღვინის კლუბი/Weekend