საჭირო მასალა: 1 კონა კამა, 3 თავი ხახვი, 2 კბილი ნიორი, 600 გ დაკონსერვებული პამიდორი, 200 გ თეთრი თევზის ფილე, 1 ს.კ. კამის თესლი, 250 გ სპაგეტი, 2 ს.კ. ზეითუნის ზეთი, 1 ს.კ. შაქარი, 100 მლ თეთრი მშრალი ღვინო, 1 კონა ოხრახუში, მარილი, პილპილი.
მომზადება: კამა დავჭრათ და მდუღარე წყალში მოვთუთქოთ. ხახვი წვრილად დავჭრათ. დავკეპოთ ნიორი და პამიდორი. მსხვილად დავჭრათ თევზის ფილე. მოვაყაროთ კამის თესლი, მარილი და პილპილი. სპაგეტი მოვხარშოთ მდუღარე მარილიან წყალში. ტაფაზე გავაცხელოთ ზეთი და თევზის ნაჭრები შევბრაწოთ. თევზი ამოვიღოთ და ტაფაზე მოვათავსოთ ხახვი, ნიორი და კამა. 2 წუთის შემდეგ დავასხათ შაქარარეული ღვინო. როდესაც ადუღდება, დავუმატოთ პამიდორი. 5 წუთის დუღილის შემდეგ დავაყაროთ დაჭრილი ოხრახუში და თევზი. თევზი სუფრაზე სპაგეტისთან ერთად მივიტანოთ.
© ღვინის კლუბი/Weekend